ballbet05_老友,好怀念以前一齐打波嘅日子

老友,好怀念以前一齐打波嘅日子

每次经过中学听到里面传嚟打波声,都会忍唔住摆低耳筒,企喺外面细心听一阵。

老友们,仲记得吗?当年无忧岁月,每日放学钟声一响都会即刻冲落球场。无视老师嘅反对,着住校服皮鞋、解开喉钮拉开衫脚、拎起个篮球就嚟料。够人三打三係基本,难得嘅係叫齐十个嚟打全场。结果一打就打到天黑,成班人身水身汗咁走去便利店买嘢饮,途中讨论下边个打得最好,耻笑下边个用脸嚟接波,嘻嘻哈哈咁又一日。

快乐日子总係过得快,上到高年级开始重视返学业,叫得郁一齐打波嘅人就变得越来越少。去到应考年,每日放学对住嘅仍然係书本。虽然球场依旧传嚟拍波声,同埋皮鞋擦过球场发出嘅吱吱声,但场上嘅灵魂人物,早就换咗第二班人。

数一数,对上一次约得齐人打波,已经差唔多十年前。而家难得约到出嚟,都係食饭倾计,打波?唔好搞啦…

仲记得,有次喺学校外面听得感触,我心血来潮拎起手机送出一个短讯。

「喂,不如搵日放假约出嚟打波啰?」

「边有精神?晚晚九十点先放工,个老闆无人性架…放假都休息啦。」
「六日都要陪女啦,推要跪玻璃…」
「唔得啦,之前做完小手术,你地打啦。」

原来,可以一班人打波,係一种有时嘅幸福。

过了,老了,就结束了。

仍然叫得郁一班人嘅你,请珍惜时光呀。

上一篇: 下一篇: